ശിമയോന്‍ ഈശോയെ സഹായിക്കുന്നു
ഈശോ പറയുന്നു: "ശതാധിപനായ ലോങ്കിനൂസ് നല്ല മനുഷ്യനായിരുന്നു. പീലാത്തോസിനേക്കാൾ അധികാരം കുറഞ്ഞവനായിരുന്നെങ്കിലും കാല്‍വരിയിലേക്കുള്ള വഴിമദ്ധ്യേ വിരോധികളായ വമ്പിച്ച ജനക്കൂട്ടത്തിന്റെ നടുവിൽ, ഏതാനും പടയാളികൾ മാത്രം കൂടെയുണ്ടായിരുന്ന സാഹചര്യത്തിൽ, അയാൾ എന്നെ സംരക്ഷിക്കുവാന്‍ ധീരത കാണിച്ചു. എന്നെ സഹായിച്ചു; എനിക്ക് അല്‍പ്പം വിശ്രമം തന്നു; ഭക്തരായ സ്ത്രീകൾ എന്നെ ആശ്വസിപ്പിക്കുവാന്‍ അനുവദിച്ചു; സൈറീന്‍കാരനായ മനുഷ്യന്റെ സഹായം തന്നു; എന്റെ അമ്മയെ കുരിശിനരികിൽ നില്‍ക്കാന്‍ അനുവദിച്ചു.
ഓ! മനുഷ്യരെ, നിങ്ങൾ ഭൗതിക കാര്യങ്ങളെക്കുറിച്ചു മാത്രം ആകുലരാകുന്നു. ഭൗതിക കാര്യങ്ങൾക്കു വേണ്ടിയും ദൈവം ഇടപെടുന്നു എന്നറിയുവിൻ . . നീതിയായി പ്രവർത്തിക്കുന്നവർക്ക് എപ്പോഴും ഞാന്‍ പ്രതിസമ്മാനം നൽകുന്നു. എന്റെ നാമത്തിൽ ഒരു പാത്രം വെള്ളം കൊടുക്കുന്നവർക്കും പ്രതിസമ്മാനം ഉണ്ടെന്ന് എല്ലായ്പ്പോഴും പറയുന്നവനാണു ഞാന്‍.. എനിക്കു സ്നേഹം നൽകുന്നവർക്ക് ഞാന്‍ എന്നെത്തന്നെ നൽകുന്നു."
