നല്ല മരണം എന്നാലെന്താണ്‌ ?

       (ഭക്തയായ ഒരു സ്ത്രീയ്ക്ക് അവളുടെ അമ്മയുടെ മരണസമയത്തെ അനുഭവങ്ങൾ ഈശോ വിശദീകരിച്ചു കൊടുക്കുന്നു:)

ആദ്യം  അമ്മയുടെ മരണരംഗം ദർശനമായി അവളെ കാണിച്ചു. (മരണശേഷം 10 ദിവസങ്ങൾക്കു ശേഷമായിരുന്നു ഇത്.)  

 അവളുടെ വിവരണം:-

                "അമ്മ വലതുവശത്തേക്കു തിരിഞ്ഞ് കിടക്കയിൽ കിടക്കുകയാണ്.   അമ്മയുടെ മൂക്കിൽ നിന്നൊഴുകുന്ന രക്തം ഞാൻ തുടച്ചു കൊടുത്തുകൊണ്ടിരുന്നു.  ആസമയം അമ്മ എന്റെ തലയ്ക്കു മുകളിലൂടെ ജനാലയ്ക്കലേക്ക് നോക്കി, എന്റെ കൈ പിടിച്ചമർത്തിക്കൊണ്ടു പറഞ്ഞു; "എനിക്ക് നിങ്ങളുടെ കൂടെ ആയിരിക്കണം.."

"അമ്മയ്ക്ക് പേടിയാകുന്നുണ്ടോ? ആശങ്കയോടെ ഞാൻ ചോദിച്ചു:

"ഇല്ല; എനിക്കു പേടിയില്ല; എന്നാൽ, ഞാൻ നിങ്ങളുടെ കൂടെ ആയിരിക്കാൻ ആഗ്രഹിക്കുന്നു.."

അപ്പോൾ  എന്റെ പിന്നിൽ നിന്ന് ഏതാനുംപേർ മുൻപോട്ടുവന്ന് അമ്മയുടെ വലതുവശത്തായി നിലയുറപ്പിച്ചു. 

അക്കൂട്ടത്തിൽ വിശുദ്ധ യൌസേപ്പിനെയും വിശുദ്ധ അന്തോനീസിനേയും വിശുദ്ധ ഡൊമിനിക്കിനെയും വി. സിൽവസ്റ്ററിനെയും ലിമായിലെ വി.റോസിനെയും ഞാൻ തിരിച്ചറിഞ്ഞു. അവർ അമ്മയുടെ തലക്കു പിന്നിലായി, അമ്മയുടെ കാവൽ  മാലാഖയുടെ അടുത്താണ്‌ നിന്നിരുന്നത്. അമ്മയുടെ കാവൽ  മാലാഖ, അമ്മയുടെ തലയിൽ  തലോടിക്കൊണ്ട് പ്രാർത്ഥനയോടെ മുട്ടിന്മേൽ നില്ക്കുകയായിരുന്നു...

           കൂട്ടത്തിലുണ്ടായിരുന്ന മറ്റാളുകൾ, ചെറുപ്പക്കാരും പ്രായമായവരും ഉൾപ്പെടെ ഏകദേശം 40 പേർ, അവരും  പ്രാർത്ഥനയോടെ നിന്നു. അവരിൽ, വെള്ളവസ്ത്രം ധരിച്ച്, കൈയിൽ ചെറിയൊരു  സുവർണ ചഷകവുമായി നിന്ന ഒരു ചെറുപ്പക്കാരൻ, പ്രാർഥനയോടെ  ഇടയ്ക്കിടെ തന്റെ കൈ ചഷകത്തിൽ മുക്കുന്നതും കൈ പുറത്തെടുത്ത്   കുന്തിരിക്കധൂപം പോലെ പുക മുകളിലേക്കുയർത്തുന്നതും ഞാൻ കണ്ടു.  അപ്പോൾ,  മരിക്കുന്ന അമ്മയുടെ പക്കലേക്ക് അടുക്കാൻ ശ്രമിച്ചുകൊണ്ടിരുന്ന കുറെ ഇരുണ്ട രൂപങ്ങൾ പേടിച്ച്  പിന്നിലേക്കു വലിയുന്നതു കണ്ടു.  അമ്മയുടെ കിടക്കയ്ക്കു ചുറ്റുമായി  നിന്നിരുന്നവരെ  ആ പുക വലയത്തിൽ ഒതുക്കിക്കൊണ്ട് അയാൾ അവർക്കു ചുറ്റും സഞ്ചരിച്ചു. അത്രയധികം ആളുകളെ അവിടെക്കണ്ട് ഞാൻ അത്ഭുതപ്പെടുമ്പോൾ ഈശോ സംസാരിക്കാൻ തുടങ്ങി: 

" ഈ ആളുകളിൽ, വിശുദ്ധരായവർ, നിന്റെ അമ്മയുടെ സ്വർഗ്ഗീയ മധ്യസ്ഥരാണ്.  അമ്മയുടെ പ്രാർഥനയും പരിത്യാഗവും വഴി അവർ രക്ഷിച്ചെടുത്ത ആളുകളാണ് മറ്റുള്ളവർ.  നിന്റെ അമ്മ ഈ ആളുകളെ അറിയില്ലെങ്കിലും, അവളുടെ അവസാനയാത്രയിൽ അവളോടൊപ്പം ആയിരിക്കാനായി അവർ വന്നിരിക്കയാണ്."

           ഈ സമയം, ഞങ്ങൾ അമ്മയെ ഇടതുവശത്തേക്കു തിരിച്ചുകിടത്തി. അപ്പോൾ എന്റെ തോളിനുമുകളിലൂടെ നോക്കിക്കൊണ്ട്‌ അമ്മ പറഞ്ഞു; "എനിക്ക് അവരുടെ കൂടെ പോകേണ്ട സമയമായി.."

അമ്മയോട് ശാന്തമായി കിടക്കാൻ പറഞ്ഞശേഷം ഞങ്ങൾ സങ്കീർത്തനങ്ങൾ ആലപിക്കാൻ തുടങ്ങി.  വിസ്മയകരമായതെന്തോ കണ്ടതുപോലെ അമ്മ മിഴികൾ  വിടർത്തി എന്തിനെയോ നോക്കിക്കൊണ്ടു പറഞ്ഞു; "ലൈറ്റ് ഇടൂ.." ഞങ്ങൾ അപ്രകാരം ചെയ്തു. അപ്പോൾ, എന്റെ കൈ പിടിച്ചമർത്തിക്കൊണ്ട് അമ്മ പറഞ്ഞു; "പരിശുദ്ധനായ ദൈവമേ.. ഇപ്പോൾ... പരിശുദ്ധനായ ദൈവമേ.. ഇപ്പോൾ.." ആ ചെറു പ്രാർത്ഥന ചൊല്ലാൻ അമ്മ എന്നോട് പറയുകയാണെന്ന് എനിക്കുതോന്നി.   പരിശുദ്ധനായ ദൈവമേ.. പരിശുദ്ധനായ ബലവാനെ ..  പരിശുദ്ധനായ അമർത്യനെ ... ഞങ്ങളുടെയും ലോകം മുഴുവന്റെയും മേൽ കരുണയായിരിക്കേണമേ..  
  ഞങ്ങൾ  ചൊല്ലിക്കൊടുത്തത്  ആവർത്തിച്ചു പറയുന്നതിനിടയിലും "എനിക്കു പോകണം, എന്നെ തടയാതെ" എന്ന് ഇടയ്ക്കിടെ  അമ്മ പറയുന്നുണ്ടായിരുന്നു. ഞങ്ങൾ കരുണക്കൊന്ത ചൊല്ലാൻ തുടങ്ങി.. അമ്മ വീണ്ടും പ്രാർത്ഥിക്കാൻ തുടങ്ങി: "പിതാവേ....എൻ്റെ ആത്മാവിനെ .... ഇപ്പോൾ... " ആ പ്രാർത്ഥന മുഴുവനായി ചൊല്ലാൻ അമ്മയ്ക്ക് ഓർമ്മ കിട്ടുന്നുണ്ടായിരുന്നില്ല. അതിനാൽ അമ്മയ്ക്കു വേണ്ടി ഞങ്ങൾ അതു ചൊല്ലാൻ തുടങ്ങി.
      ഈ സമയം, ഞങ്ങളുടെ പുറകിൽ നിന്നും വേറൊരു ഗണം ആൾക്കാർ വന്ന് അമ്മയുടെ ഇടതുവശത്തായി നിന്നു. അക്കൂട്ടത്തിൽ എൻ്റെ പിതാവിനെയും അമ്മൂമ്മമാരിൽ ഒരാളെയും ഞങ്ങളോടൊപ്പം താമസിച്ചിരുന്ന ഒരു അമ്മായിയെയും ഞാൻ തിരിച്ചറിഞ്ഞു. മറ്റുളള മുഖങ്ങൾ അത്ര വ്യക്തമായി കാണാൻ കഴിഞ്ഞിരുന്നില്ല.
    ഈ സമയം,  ഒരു കൂട്ടം മാലാഖമാർ, സ്വർഗീയ സംഗീതത്തിൻ്റെ അകമ്പടിയോടു കൂടി കടന്നുവന്ന് ഞങ്ങൾക്കു ചുറ്റും മുകളിലായി നിരന്നു നിന്നു. അന്തരീക്ഷം അങ്ങേയറ്റം ഭക്തിസാന്ദ്രമായി.. പെട്ടെന്ന് അമ്മ പറഞ്ഞു: "ആദ്യം എനിക്ക് പരിശുദ്ധ അമ്മയെ കാണണം.." ഞങ്ങളോടാണ് അമ്മ സംസാരിക്കുന്നതെന്നു കരുതി എൻ്റെ സഹോദരൻ പറഞ്ഞു: "അമ്മേ, ഈശോ ഇവിടെയുണ്ടല്ലോ.. അവിടുന്ന് അമ്മയെ കാത്തിരിക്കുകയാണ്‌.." അമ്മ വീണ്ടും പറഞ്ഞു: "എനിക്ക് അമ്മയെ കാണണം.." 
             (ജപമാല ചൊല്ലിക്കൊണ്ട് മരണമടയുന്ന ആത്മാക്കളെ കൂട്ടിക്കൊണ്ടുപോകാൻ പരിശുദ്ധ അമ്മ തന്നെ വരുമെന്ന ആഴമായ വിശ്വാസം അമ്മയ്ക്കുണ്ടായിരുന്നതിനാലായിരിക്കണം 
അമ്മ അങ്ങനെ പറഞ്ഞത്‌. )
    ഞങ്ങൾ മാതാവിൻ്റെ ഒരു ചിത്രം അമ്മയെ കാണിച്ചു..

  

വി.ഇഗ്നേഷ്യസ് ലയോള

   

ഇന്ന് വി.ഇഗ്നേഷ്യസ്‌ ലയോളയുടെ തിരുനാൾ

പൂർവികശാപത്തിൽ നിന്നു മോചനം ലഭിക്കുന്നതിനുളള പ്രാർത്ഥന

      (നൈജീരിയായിലെ ബർണബാസ്‌ നോയെ എന്ന യുവാവിന്‌ ഈശോ പ്രത്യക്ഷപ്പെട്ടു നൽകിയ തിരുരക്തഭക്തി പ്രാർത്ഥനകളോടനുബന്ധിച്ച് ഉളളതാണ് ഈ പ്രാർത്ഥന.)

  ഈശോ പറയുന്നു: "എൻ്റെ കുഞ്ഞുങ്ങളേ, ഈ പ്രാർത്ഥന പ്രാർത്ഥിക്കുകയും ലോകത്തെ മുഴുവൻ അറിയിക്കുകയും ചെയ്യുക. ശാപങ്ങളിൽ കഴിയുന്നവർ നിരന്തരമായി ഈ പ്രാർത്ഥന ചൊല്ലുകയാണെങ്കിൽ അവർക്ക്‌ അതിൽ നിന്ന്‌

 മോചനം നേടാൻ സാധിക്കും. പൂർവികരുടെ പാപങ്ങൾ നിമിത്തം ഏതെങ്കിലും കുടുംബം വേദനിക്കുന്നെങ്കിൽ ഈ പ്രാർത്ഥനയിലൂടെ 144 ദിവസം നീളുന്ന നൊവേന ചൊല്ലിയാൽ അവർ മോചിപ്പിക്കപ്പെടും.

       നിത്യപിതാവേ, അങ്ങു മാത്രമാണ്‌ മരണമില്ലാത്ത ദൈവം, സ്നേഹമായ ദൈവം. കരുണയും അനുകമ്പയുമുളളവൻ. അങ്ങയുടെ ഏകജാതനായ യേശുക്രിസ്തുവിനെ നോക്കുകയും ഞങ്ങളോടു കരുണ കാണിക്കുകയും ചെയ്യണമേ. പൂർവികരുടെ പാപങ്ങളും അവർ അങ്ങയുമായി ചെയ്ത ഉടമ്പടി ലംഘിച്ച അനുസരണക്കേടും മൂലം ശാപത്തിൻ്റെ ഭാരം പേറുന്ന അങ്ങയുടെ സകല ജനത്തിനും വേണ്ടി, യേശുക്രിസ്തുവിനെ കൽത്തൂണിൽ കെട്ടിയിട്ട് അടിച്ചപ്പോഴുണ്ടായ വേദനകളും മുറിവുകളും തിരുരക്തവും അങ്ങേയ്ക്കു ഞാൻ സമർപ്പിക്കുന്നു. അങ്ങ്‌ അവിടുത്തെ പുത്രൻ്റെ അടിപ്പിണരുകളാൽ ഞങ്ങളെ സ്വതന്ത്രരാക്കുകയും അമൂല്യമായ അവിടുത്തെ തിരുരക്തത്താൽ ഞങ്ങളെ രക്ഷിക്കുകയും ചെയ്യട്ടെ:  ആമേൻ.

    ഈശോമിശിഹായുടെ അമൂല്യമായ തിരുരക്തമേ, ശാപങ്ങളിൽ നിന്ന്‌ ഞങ്ങളെ മോചിപ്പിക്കണമേ.

ഈശോമിശിഹായുടെ തിരുമുറിവുകളേ, ഞങ്ങളുടെ മുറിവുകൾ ഉണക്കേണമേ.

അങ്ങയുടെ അടിപ്പിണരുകളാൽ ഞങ്ങളെ മുദ്ര വയ്ക്കേണമേ.  ആമേൻ.

യഥാർഥ ആരാധന

                     

John 4:19-26

നമുക്ക് വളരെ പരിചിതമായ ഒരു വചനഭാഗമാണ് യോഹ.4:19-26. ഈശോയും സമരിയാക്കാരി സ്ത്രീയും തമ്മിലുള്ള സംവാദം..  സമരിയാക്കാരി സ്ത്രീയെ രക്ഷയിലേക്കു നയിച്ച സംവാദം..  ഇന്നും അനേകരെ രക്ഷയിലേക്കു നയിച്ചുകൊണ്ടിരിക്കുന്ന ഒരു വചനഭാഗം.. 

  ഇവിടെ ഈശോ ആരാധനയെപ്പറ്റിയാണ് - ദൈവാരാധനയെപ്പറ്റിയാണ്- പറയുന്നത്. യഹൂദരുടെ  ദൈവാരാധനയെ ഈശോ നിശിതമായി വിമർശിക്കുന്നത് സുവിശേഷത്തിൽ പലയിടത്തും നമുക്ക് കാണാം.. മത്തായി 15: 8-9 ഇപ്രകാരം പറയുന്നു; "കപടനാട്യക്കാരേ, ഏശയ്യ നിങ്ങളെപ്പറ്റി ശരിയായിത്തന്നെ പ്രവചിച്ചു -  ഈ ജനം അധരം കൊണ്ട് എന്നെ ബഹുമാനിക്കുന്നു ; എന്നാൽ അവരുടെ ഹൃദയങ്ങൾ എന്നിൽ നിന്നും വളരെ അകലെയാണ്. അവർ മാനുഷിക നിയമങ്ങൾ പ്രമാണങ്ങളാക്കി പഠിപ്പിച്ചുകൊണ്ട് വ്യർധമായി എന്നെ ആരാധിക്കുന്നു.." ഫരിസേയരെയും നിയമജ്ഞരെയും പറ്റിയാണ് ഈശോ ഇവിടെ പറയുന്നത് - അവരുടെ ആരാധന വ്യർത്ഥമാണെന്നാണ് ഈശോ പറയുന്നത് - അവർ,  അവരുടെ വായ്‌ കൊണ്ട് - അവരുടെ വാക്കുകൾ കൊണ്ട്  ദൈവത്തെ ആരാധിക്കുന്നു.. എന്നാൽ, അവരുടെ പ്രവർത്തികൾ ദൈവത്തിനു വെറുപ്പുളവാക്കുന്നവയാണ്- എന്താണവർ ചെയ്യുന്നത്?  മാതാപിതാക്കളെ ബഹുമാനിക്കണം എന്ന് ദൈവം കൽപ്പിച്ചിരിക്കുന്നു - ദൈവകൽപ്പനയാണത് .. എന്നാൽ, യഹൂദർ വേറൊരു  നിയമം ഉണ്ടാക്കി വെച്ചിട്ടുണ്ട് ; അതായത് ,ഒരാൾ  തന്റെ മാതാപിതാക്കന്മാരോട് ഇപ്രകാരം പറയുകയാണ്‌ - നിങ്ങൾക്ക് എന്നിൽ നിന്നും കിട്ടാനുള്ളതൊക്കെ വഴിപാടായി ഞാൻ നല്കിക്കഴിഞ്ഞു എന്നുപറഞ്ഞാൽ പിന്നെ അവൻ അവരെ സംരക്ഷിക്കേണ്ടതില്ല  എന്ന് - ഇതാണ് മാനുഷിക നിയമം .. ഈ മാനുഷിക നിയമം കൊണ്ട് അവർ ദൈവകല്പ്പനയെ മറികടക്കുകയാണ് - ഇപ്രകാരം ദൈവകല്പ്പനയ്ക്ക് വിരുദ്ധമായ പ്രവർത്തികൾ ചെയ്തിട്ട് പോയി ദൈവത്തെ ആരാധിച്ചാൽ അത്  വ്യർത്ഥമാണെന്ന് വളരെ വ്യക്തമായി ഈശോ പഠിപ്പിക്കുകയാണ് ഇവിടെ.. ഇതല്ല ദൈവാരാധന - പിന്നെയെന്താണ് ?

 സമരിയാക്കാരിയോട് ഈശോ പറയുകയാണ്‌ - സ്ത്രീയേ, എന്നെ വിശ്വസിക്കുക; ഈ മലയിലോ ജരുസലെമിലോ നിങ്ങൾ പിതാവിനെ ആരാധിക്കാത്ത ഒരു സമയം വരുന്നു .. ഈ മലയിലോ ജെരുസലേമിലോ  അല്ല പിതാവിനെ ആരാധിക്കേണ്ടത് -  ദൈവം ആത്മാവാണ് - ദൈവം അരൂപിയാണ് .. ഏതെങ്കിലും ഒരു സ്ഥലത്ത് - ഗരിസിം മലയിലോ അല്ലെങ്കിൽ ജെറുസലേം ദേവായലത്തിലോ  ദൈവത്തെ  ഒതുക്കി നിർത്താനാവില്ല .. ആരാധനയ്ക്ക് ഈശോ ഒരു പുതിയ മാനം നല്കുകയാണിവിടെ .. ആരാധന നടത്തുന്ന സ്ഥലത്തിനല്ല പ്രാധാന്യം - പിന്നെയോ,  എങ്ങിനെയാണ് ആരാധന നടത്തേണ്ടത് 

എന്ന് ഈശോ പഠിപ്പിക്കയാണ്  ..  ദൈവത്തെ ആരാധിക്കുന്നവർ ആത്മാവിലും സത്യത്തിലുമാണ് ആരാധിക്കേണ്ടത് ..   ദൈവകൽപ്പനകൾ അനുസരിച്ച് ദൈവത്തിന്റെ പ്രീതിയിൽ നാം ജീവിക്കുമ്പോൾ നമ്മുടെജീവിതം  ആത്മാവിനാൽ നയിക്കപ്പെടുന്നതായിത്തീരുന്നു..   അങ്ങനെ ആത്മാവിൽ നിറഞ്ഞു ജീവിക്കുമ്പോൾ സ്ഥലത്തിനും കാലത്തിനും അതീതനായ ദൈവത്തെ- യഥാർത്ഥദൈവത്തെ- സത്യദൈവത്തെ   ഈശോയിൽ കണ്ടെത്തുവാനും  അവിടുത്തെ ആരാധിക്കുവാനും നാം പ്രാപ്തരാകും.  ഇതാണ് യഥാർഥ ആരാധന ..

                       ഈശോ ഇതിനായി   സമരിയാക്കാരി സ്ത്രീക്ക് തന്നെത്തന്നെ വെളിപ്പെടുത്തുകയാണ് - അവിടുന്നു പറയുന്നു;  "നിങ്ങൾ അറിയാത്തതിനെ ആരാധിക്കുന്നു ; ഞങ്ങൾ അറിയുന്നതിനെയും .. രക്ഷ യഹൂദരിൽ നിന്നാണ്.." അതായത് രക്ഷ ക്രിസ്തു വഴിയാണ് എന്ന് ഈശോ അവളെ അറിയിക്കുകയാണ് .. റോമാ 9: 4-5  പറയുന്നു; "അവർ ഇസ്രായേൽ മക്കളാണ് . പുത്രസ്ഥാനവും മഹത്വവും ഉടമ്പടികളും നിയമത്തിന്റെ അവകാശവും ശുശ്രൂഷയും വാഗ്ദാനങ്ങളും അവരുടേതാണ് .. പൂർവ പിതാക്കന്മാരും അവരുടേത്. ക്രിസ്തുവും വംശമുറക്ക് അവരിൽനിന്നുള്ളവൻ തന്നെ .. അവൻ സർവാധിപനായ ദൈവവും എന്നേക്കും വാഴ്ത്തപ്പെട്ടവനുമാണ്." രക്ഷ യഹൂദരിൽ നിന്നാണ് എന്നു പറഞ്ഞുകൊണ്ട്  രക്ഷകനെപ്പറ്റിയുള്ള സൂചന ഈശോ അവൾക്കു നല്കുകയാണ് ..

സമരിയക്കാരി പറയുന്നു; "മിശിഹാ - ക്രിസ്തു വരുമെന്നും അവൻ വരുമ്പോൾ എല്ലാക്കാര്യങ്ങളും ഞങ്ങളെ അറിയിക്കുമെന്നും എനിക്കറിയാം .."

ഈശോ മറുപടി നല്കുന്നു: "നിന്നോട് സംസാരിക്കുന്ന ഞാൻ തന്നെയാണ് അവൻ.." 

രക്ഷയുടെ അനുഭവത്തിലേക്കു വന്ന ഈ സമരിയാക്കാരി സ്ത്രീയുടെ സാക്ഷ്യം മൂലം അനേകം സമരിയാക്കാർ ഈശോയിൽ വിശ്വസിക്കുന്നവരായി മാറി എന്ന് വചനം സാക്ഷ്യപ്പെടുത്തുന്നുണ്ട് .  ഈശോ രക്ഷകനാണെന്നും യഥാർഥദൈവമാണെന്നും അവൾക്കു തിരിച്ചറിയാൻ കഴിഞ്ഞതുകൊണ്ടാണ് ശക്തയായ ഒരു സാക്ഷിയായി മാറാൻ അവൾക്കുസാധിച്ചത്. 

നമുക്കും സമരിയാക്കാരി സ്ത്രീയെപ്പോലെ നമ്മുടെ ജീവിതം കൊണ്ട് ഈശോയ്ക്കു സാക്ഷ്യം നല്കുന്നവരായി മാറാം ..ആത്മാവിൽ നിറഞ്ഞ ഒരു ജീവിതം നയിക്കുവാനും   പിതാവായ ദൈവത്തെ, പുത്രനായ ഈശോയിലൂടെ   പരിശുധാത്മാവിന്റെ ശക്തിയാൽ  ആരാധിച്ചു കൊണ്ട്  ത്രിയേക ദൈവത്തിന് അർഹമായ യഥാർഥ ആരാധന -  ആത്മാവിലും സത്യത്തിലുമുള്ള ആരാധന അർപ്പിക്കുവാനും നമുക്ക് പരിശ്രമിക്കാം.. അതിനുള്ള കൃപയ്ക്കായി പ്രാർഥിക്കാം. 

ആമേൻ 

ഭവനങ്ങളുടെ വെഞ്ചരിപ്പ്‌

                  തിന്മയുടെ സ്വാധീനങ്ങളും സാന്നിധ്യവും പലവിധത്തില്‍ ഭവനങ്ങളിലേക്കും സ്ഥലങ്ങളിലേക്കും കടന്നുവരാന്‍ സാധ്യതയുണ്ട്. കുടുംബാംഗങ്ങളുടെ പാ പങ്ങളും പാപത്താല്‍ ബന്ധിക്കപ്പെട്ടവരുടെ സമ്പര്‍ക്കങ്ങളും ദുഷ്ടാരൂപികള്‍ക്ക് കടന്നുവരാന്‍ വാതിലുകള്‍ തുറന്നു കൊടുക്കും. ദൈവകല്പനയ്ക്ക് വിരുദ്ധമായ പ്രവര്‍ത്തനങ്ങള്‍ ഒരു സ്ഥലത്തു നടക്കുമ്പോള്‍ അവിടെ ദൈവികസാന്നിധ്യവും ദൈവത്തിന്റെ സംരക്ഷണവും നഷ്ടമാകാം. അങ്ങനെയുള്ള ഇടങ്ങളില്‍ തിന്മയുടെ സാന്നിധ്യം സ്വാഭാവികമായും വര്‍ധിക്കും. അതുപോലെതന്നെ അന്ധകാരശക്തികളുടെ നേരിട്ടുള്ള ആക്രമണങ്ങളും ദുഷ്ടമനുഷ്യരിലൂടെയുള്ള പ്രവര്‍ ത്തനങ്ങളും എവിടെയും എപ്പോഴും ഉണ്ടാകാം. ഇങ്ങനെയുള്ള സാഹചര്യങ്ങളില്‍ സഭയിലൂടെ വിശ്വാസികള്‍ക്ക് ലഭിക്കുന്ന വലിയൊരു അനുഗ്രഹമാണ് വെഞ്ചരിപ്പ്.

വെഞ്ചരിപ്പിലൂടെ ഭവനങ്ങളും സ്ഥലങ്ങളും വസ്തുക്കളും വിശുദ്ധീകരിക്കപ്പെടുകയും ദൈവിക സാന്നിധ്യവും ശക്തി യുംകൊണ്ട് നിറയപ്പെടുകയും ചെയ്യും. ഒരു പുരോഹിതന്റെ വെഞ്ചരിപ്പുവഴി ലഭിക്കുന്ന അനുഗ്രഹങ്ങള്‍ വിവരണാതീതമാണ്. ഭവനങ്ങള്‍ വെഞ്ചരിക്കുമ്പോള്‍ രോഗപീഡകള്‍ വിട്ടുപോകുന്നതും കലഹത്തിന്റെ അരൂപി അപ്രത്യക്ഷമാകുന്നതും അനേകരുടെ ജീവിതാനുഭവമാണ്. കൃഷിനാശം, ബിസിനസിലെ തകര്‍ച്ചകള്‍ ഇവയൊക്കെ പൗരോഹിത്യത്തിന്റെ അധികാരശക്തിയാല്‍ വെഞ്ചരിപ്പിലൂടെ മാറിപ്പോകുന്നുണ്ട്. പലപ്പോഴും വീട് വെഞ്ചരിപ്പ് വെറുമൊരു ചടങ്ങായിട്ടാണ് അറിവില്ലാത്ത വിശ്വാസികള്‍ കാണുന്നത്. സഭയുടെ അധികാരവും ശക്തിയും മുഖേന ദൈവത്തിന്റെ അഭിഷിക്തനിലൂടെ ലഭിക്കുന്ന ഈ വലിയ അവസരം വേണ്ടവിധം ഉപയോഗിച്ചിരുന്നെങ്കില്‍ തിന്മയുടെ എത്രയോ പ്രവര്‍ത്തനങ്ങള്‍ നിര്‍വീര്യമാക്കപ്പെടുമായിരുന്നു!

എല്ലാ വെഞ്ചരിപ്പു കര്‍മങ്ങളും അനുഷ്ഠിക്കപ്പെടുന്നത് വിശുദ്ധ കുരിശിന്റെ അടയാളം ഉപയോഗിച്ചുകൊണ്ടാണ്. കുരിശടയാളത്തിലൂടെ ക്രിസ്തുവിന്റെ മുദ്രകുത്തപ്പെടുന്ന ഭവനങ്ങളും സ്ഥലങ്ങളും തികച്ചും സുരക്ഷിതമാണ്.

ത്രിദിനാന്‌ധകാരം (The Three day's darkness)

            യുഗാന്ത്യത്തോടനുബന്ധിച്ച്‌  സംഭവിക്കാനിരിക്കുന്ന   മൂന്നു   ദിവസത്തെ  അന്‌ധകാരത്തെപ്പറ്റി ധാരാളം വെളിപ്പെടുത്തലുകൾ പരിശുദ്ധ അമ്മയിലൂടെയും പല   വിശുദ്ധരിലൂടെയും നമുക്ക്‌ ലഭിച്ചിട്ടുണ്ട്‌.  1988 ൽ സമാധാനരാജ്ഞിയായി അംഗ്വേറ (The Queen of Peace in Anguera ) യിൽ പ്രത്യക്ഷപ്പട്ട മാതാവ് ഇപ്രകാരം സന്ദേശം നൽകി: "താമസിയാതെ ഭൂമിയിൽ  ത്രിദിനാന്ധകാരം ആഗതമാകും. ഈ പ്രതിഭാസത്തിനു വിശദീകരണം നൽകാൻ  നിങ്ങളുടെ ശാസ്ത്രത്തിനു കഴിയില്ല.  ഭൂവാസികളെല്ലാം വലിയ ഞെരുക്കങ്ങൾ അനുഭവിക്കും.  എന്നാൽ എന്നോടു ചേർന്നു നിൽക്കുന്നവരെ ഞാൻ നയിക്കും.  നിങ്ങളുടെ ഭവനങ്ങളിൽ വെഞ്ചരിച്ച മെഴുകുതിരികൾ കരുതി വയ്ക്കണം. ജാഗ്രതയോടെയിരിക്കുക. എപ്പോഴും പ്രാർത്ഥനാനിരതരായിരിക്കുക.
 ത്രിദിനാന്ധകാരത്തെ  നേരിടാൻ ചില വഴികൾ  വി.പാദ്രേ പിയോയിലൂടെ  ഈശോ പറഞ്ഞു തരുന്നു.  അതിപ്രകാരമാണ്‌.

       "ശൈത്യമേറിയ ഒരു രാവിലായിരിക്കും ഇതു തുടങ്ങുന്നത്. ഇതിനു മുന്നോടിയായി ഭയാനകമായ ഒരു ഭൂമികുലുക്കം അനുഭവപ്പെടും. ഒരു ധൂമകേതു ഭൂമിയിൽ വന്നിടിക്കുന്നതിനെ തുടർന്നായിരിക്കും ഇത്. ഈ അടയാളങ്ങൾ കാണുമ്പോൾ നിങ്ങൾ വീടിനുളളിൽ പ്രവേശിച്ച് വീടിൻ്റെ എല്ലാ വാതിലുകളും ജനാലകളും അടക്കണം. വീടിനു പുറത്തുള്ള ഒരാളോടും സംസാരിക്കരുത്‌. കൊടുംകാറ്റും തീയും  ഭൂമികുലുക്കവും മറ്റും ഉണ്ടാകുമ്പോൾ പുറത്തേക്കു നോക്കരുത്‌. കാരണം എൻ്റെ പിതാവിൻ്റെ ക്രോധത്തെ നേരിടാനുള്ള ശക്തി നിങ്ങൾക്കില്ല.
    വെഞ്ചരിച്ച മെഴുകുതിരികൾ കത്തിച്ചുവച്ച്  ക്രൂശിതരൂപത്തിനു മുമ്പിൽ മുട്ടുകുത്തി പ്രാർത്ഥിക്കുകയും ബൈബിൾ വായിക്കുകയും ചെയ്യുക. കരങ്ങൾ വിരിച്ചുപിടിച്ചും സാഷ്ടാംഗം പ്രണമിച്ചുമൊക്കെ പ്രാർത്ഥിക്കുന്നതു വഴി  അനേകം ആത്മാക്കളെ നിത്യനാശത്തിൽ നിന്നു രക്ഷിക്കുവാൻ നിങ്ങൾക്കു കഴിയും.

         മൂന്നാമത്തെ രാത്രിയിൽ ഇതെല്ലാം ശമിക്കുകയും  പിറ്റേ ദിവസം സൂര്യൻ വീണ്ടും ഉദിക്കുകയും ചെയ്യും.
         മനുഷ്യവംശത്തിൻ്റെ മൂന്നിലൊരു ഭാഗം നശിക്കും. ഈ ദിനങ്ങൾ വളരെ അടുത്തിരിക്കുന്നു.  മൂന്നു ദിനങ്ങൾ സമ്പൂർണ്ണാന്ധകാരത്തിൽ കഴിയുന്നതിനായി നിങ്ങൾ നിങ്ങളെത്തന്നെ ഒരുക്കുക. മെയ്മാസത്തിൽ ഏറ്റവും ജാഗ്രതയുള്ളവരായിരിക്കുക.
       മൂന്നു മാസത്തേക്കെങ്കിലുമുളള ഭക്ഷണപദാർത്ഥങ്ങൾ സംഭരിച്ചു വയ്ക്കുക.
     എപ്പോഴും പരസ്പരം സഹായിച്ചും സഹകരിച്ചും കഴിയുക. കാരണം നിങ്ങൾക്ക് അന്യോന്യ സഹായം ഏറ്റവുമധികം വേണ്ടിവരുന്ന സന്ദർഭമായിരിക്കും അത്‌."

 

                             1991 നവംബർ മാസത്തിൽ ഈശോ വാസുല റിഡനു നൽകിയ സന്ദേശം.

                                      "മണിക്കൂറുകൾ പാഞ്ഞു പൊയ്ക്കൊണ്ടിരിക്കുന്നു. കുറച്ചു മനുഷ്യർ മാത്രമേ അവശേഷിക്കുകയുള്ളൂ.

                   ശുദ്ധീകരണത്തിനു മുമ്പുളള അവസാന നാളുകളിലാണ്‌ നിങ്ങൾ ജീവിക്കുന്നത്‌. ഒരിക്കലും പ്രാർത്ഥന     നിർത്താതെ     രാവും    പകലും ജാഗ്രതയുളളവരായിരിക്കുക.

                             ജപമാല ചൊല്ലി പ്രാർത്ഥിക്കുക. ഈ     ചെറിയ    മാലയായിരിക്കും.    സാത്താനെ ബന്ധിക്കുന്നതും    പരാജയപ്പെടുത്തുന്നതുമായ ചങ്ങല."

The Annunciation

(From the Poem of the Man - God)

Mary , a very young girl, who looks fifteen years old at most, is in a small rectangular room. She is sitting on a low stool, spinning some linen. Her beautiful young face is slightly bent forward and she is smiling gently as if she were caressing or following some sweet thought.
Mary begins to sing in a low voice, then she raises Her voice slightly.. lt must be a sacred song, perhaps a Psalm. Her face is beautifully flushed and Her eyes are lost behind..
The song changes into a prayer.. She remains absorbed in it..
The curtain of the little room moves fast..And a pearl white light mixed with pure silver makes the slightly yellow walls clearer and makes the colours of the cloths brighter and Mary's raised face more spiritual. And in such light, while the curtain is still drawn on the mystery to be accomplished, the Archangel prostates himself.
"Hail Mary, full of Grace, Hail!"
Mary is startled and lowers Her head. And She is even more startled when She sees the shining creature kneeling at about a metre from Her and looking at Her with infinite veneration, his hands crossed over his chest.
Mary jumps to Her feet and She squeezes against the wall.
"Do not fear. The Lord is with You! You are blessed amongst all women!"
But Mary continues to be afraid.
"Do not fear, Mary!" repeats the Archangel. "I am Gabriel, the angel of God. My Lord has sent me to You. Do not be afraid, because You have found Grace in the eyes of God. And You will conceive and bear a son and You will call Him Jesus. He will be great and will be called Son of the Most High. And the Lord God will give Him the throne of His Ancestor David and He will rule over the house of Jacob for ever, and His reign will have no end.."
"How can this come about, since I do not know man? Perhaps the Lord God will no longer accept the offer of His maidservant and does not want Me a virgin for His love?"
"Not by deed of man You will be a mother, Mary. You are the eternal virgin, the Holy Virgin of God. The Holy Spirit will come upon You and the power of the Most High will cover You with its shadow. So the Child born of You will be called Holy and Son of God. Our Lord can do everything. Elizabeth, the barren one, in her old age has conceived a son who will be the prophet of Your Son and will prepare His ways. Elizabeth is in her sixth month.. Nothing is impossible to the Lord. Mary, full of grace, what shall I tell my Lord? The world, Heaven and the Eternal Father are awaiting Your word!"
Mary crosses Her hands over Her breast and bowing down deeply, says: I am the handmaid of the Lord. Let what you have said be done to Me."
     The angel shines out of joy. He kneels in adoration because he sees the Spirit of God descent upon the virgin bent down in assent and he disappears without moving the curtain, but leaves it well drawn over the Holy Mystery.